تلاوت قرآن پاکرسول کریم صلی اللہ علیہ وآلہ وسلم نے ارشاد فرمایا:
تم میں سے بہترین انسان وہ ہے جو قرآن سیکھے اور دوسروں کو سکھائے۔ ( صحیح بخاری)
رسول کریم صلی اللہ علیہ وآلہ وسلم نے ارشاد فرمایا:
میری امت کی بہترین عبادت ، تلاوت قرآن پاک ہے۔(کنز العمال)
رسول کریم صلی اللہ علیہ وآلہ وسلم نے ارشاد فرمایا:
قرآن پاک (پڑھنے) والے لوگ اللہ تعالی سے تعلق رکھنے والے اور اس کے خاص بندے ہیں۔ (کنز العمال)
رسول اکرم صلی اللہ علیہ وآلہ وسلم کا ارشاد گرامی ہے:
بے شک اللہ تعالی نے مخلوق کو پیدا کرنے سے ایک ہزار سال پہلے سورہ طہ اور سورہ یسین پڑھی جب فرشتوں نے قرآن پاک سنا تو کہا اس امت کو مبارک ہو جن پر یہ قرآن نازل ہو گا وہ سینے مبارک باد کے مستحق ہیں جو اسے اٹھائیں گے اور ان زبانوں کو مبارک ہو جن پر یہ جاری ہو گا۔ (مجمع الزوائد)
حضرت عمرو بن عاص رضی اللہ عنہ نے فرمایا : قرآن پاک کی ہر آیت جنت کی ایک سیڑھی اور تمہارے گھروں کا چراغ ہے۔
حضرت ابو ہریرہ رضی اللہ عنہ نے فرمایا: جس گھر میں قرآن پاک کی تلاوت کی جائے وہ اہل خانہ پر کشادہ ہو جاتا ہے اس میں بھلائی زیادہ ہوتی ہے (برکت ہوتی ہے) وہاں فرشتے آتے ہیں اور شیطان وہاں سے نکل جاتے ہیں اور جس گھر میں قرآن نہ پڑھا جائے وہ گھر اپنے اہل پر تنگ ہو جاتا ہے ، اس میں برکت کم ہوتی ہے اور فرشتے وہاں سے چلے جاتے ہیں جب کہ شیطان وہاں آجاتے ہیں۔
حضرت سفیان ثوری رحمہ اللہ فرماتے ہیں : جب انسان قرآن پڑھتا ہے تو فرشتہ اس کی دونوں آنکھوں کے سامنے بوسہ دیتا ہے۔
حضرت علی ابن ابی طالب کرم اللہ وجہہ الکریم نے فرمایا : تین چیزیں حافظہ کو تیز کرتی ہیں
(١) مسواک (٢) روزہ اور (٣) قرآن پاک پڑھنا ۔۔۔۔۔
